Балага алкыштар
Ада-энениҥ алкыжы
Аржан суудый ару бол, балам!
Баатыр бол!
Jаактуга айттыртпа,
Jарындуга тутурттпа!
Ада-энениҥ сÿÿнчизи бол,
Ака-карындаштарыҥла нак бол!
Айыл-jурттыҥ öҥжидип jÿр!
Албатыга тузалу бол,
Албатыда тоомjылу jÿр!
Алтайысты чеберлеп jÿр,
Ак-айаста ырысту бол!
Тоологоны евро болзын,
Тудунганы доллар болзын.
Ару ак санаалу,
Jалакай ла чыйрак чыдазын.
Эjелер-jеҥелер
Эрjине кулды киштезе
Эне Алтайга торгылар.
Эjелер, jеҥелер айтканы
Эл-jÿрекке томылар.
Акалар, таайлары
Аргымак кулды киштезе
Ак тайгага jаҥыланар.
Акалар, таайлар алказа
Ал-сагышка салынар.
Алкыштар
Ойгор jÿрÿмдÿ болзын,
Озочыл иштÿ болзын!
Оору-jоболго бастырбазын,
Ойын-каткылу öссин!
Jÿрÿми туу-кайадый
Бек болзын!
Ат-нерези албатыга jарлалзын!
Кÿреҥ сынду Алтайдыҥ
Кÿн чырайлу балдары
Артыш jытту jеристиҥ
Ай-кеберлÿ балдары
Ада-Кудай коорып jÿрзин слерди,
Ада-энегер сÿÿндирип турзын слерди!
Кыс балага
Ары кöрзö,
Ай кеберлÿ,
Бери кöрзö,
Кÿн кеберлÿ
Тегерик ак чырайлу
Jаражай кыс болзын!
суреен jакшы! быйан!
СПАСИБО! Большое спасибо за труд, работу и глубокие мысли.
Иштеген ижер тоомjылу ла болзын!
Суреен тузалу! Быйан!
Тузалу болук. Суреен jакшы. быйан
Быйан слерге
Быйан. Ижигер эрчимду болзын)))
Баян слерге. Суреен Тувалу!
Баян слерге. Суреен тузалу!