Кабай кожоҥ
Аҥ балазын телчиткен
Алты кыпту таш кабай
Акту бойысты чыдаткан
Ада-энениҥ кол кабай.
Элик балазын телчиткен
Эки кыпту таш кабай
Эмди бойысты чыдаткан
Эне-аданыҥ кол кабай.
Тÿнде тÿшкен jымыртка
Тÿлÿреп учар куш болор
Тÿÿнчикте jаткан jаш бала
Тÿбин билер эр болор.
Караҥуйда тÿшкен jымыртка
Калырап учар куш болор
Кабайда jаткан jаш бала
Качан бирде эр болор.