Ак торко кöжöгöни
Ак айаска кöдÿрип,
Кожоҥ-комытла
Келдибиске бараалы!

Актаҥ чыккан ак кайыҥ
Алдынаҥ öрö корболу
Ак ла торко кöжöгö
Алдынаҥ бери алкышту.

Кöктöҥ чыккан ак кайыҥ
Кöдÿре бойы корболу.
Кöк лö торко кöжöгö
Кöп калыкта jыргалду

Ак кöжöгö кöдÿрген
Ак кайыҥныҥ jаражын
Албатыны jыргаткан
Ада-энениҥ jакшызын
Ӧрӧ
Кöк кайыҥла кöдÿрген
Кöжöгöниҥ jаражын
Кöп улусты jыргаткан
Кööркий балдар jакшызын!

Аркадагы ак кайыҥ
Алдынаҥ öрö корболу,
Айылда отурган кудалар
Алтан эки алкышту

Тосток jерде кöк кайыҥ
Ӱстинеҥ тöмöн корболу
Тööрдö отурган кудалар
Тöртöн эки алкышту

Элбиреген кайыҥду
Энду кöжöгö сÿрлÿзин
Элди-jонды jыргаткан
Эки баланыҥ jаражын!
Ӧрӧ

Ак ла торко кöжöгö
Алтайыска jайылзын
Jаҥы айылду балдарда
Айылында кабай jайкалзын

Jалбырактар jайылган
Jалаалу кöжöгö сÿрлÿзин
Jаткан jуртын jыргаткан
Jаш балдардыҥ jаражын

Кöк ло торко кöжöгö
Кеен алтайда jайылзын
Корболоп öскöн балдарыс
Кöп албаты сÿÿндирзин
Ӧрӧ